Keyeyê Şenyaşarî: Hêsirê dadîyan ê ke şima rijnayî, zereyê ci de bifatisê
Keyeyê Şenyaşarî muhakemekerdişê tirkan û îqtîdarê AKP-MHPyî rê vat: ''Hêsirê çimeyanê dadîyan ê ke şima verê edlîye de rijnayî, do zereyê ci de bifatisê.''
Emîne Şenyaşara ke laj û mêrdeyê ci hetê merdimanê Wekîlê AKPyî Îbrahîm Halîl Yildizî ra kişîyayî, lajê xo Ferît Şenyaşarî reyde 176 rojî yo verê Edlîyeya Riha de nobeta xo ya edaletî rê dewam kena.
Keyeyî medyaya dîjîtale ser o no mesaj weşana: ''176 rojî yo ma vanê edalet. Nika ma gerre bikerê nêbeno, nêkerê nêbeno. Dozgerê ke bîyê mesuldarê ney şima do zereyê hêsiranê çimeyan de ke 176 rojî yo verê edlîye de rijnayî bifatisê.''
