Keyeyê Şenyaşarî 191 rojî yo verê bînaya Edlîyay Riha de 'Nobeta Edaletî' keno. Dadî Emîne Şenyaşar û lajê ci Ferît Şenyaşarî pê dowîzê bi nuşteyê 'Ma têna edaletî wazenê' ewro dest pê nobete kerd.

Keyeyê Şenyaşarî hesabê xo yê twitterî de no mesaj da: ''Heyf ke ma bi sereyê xo nêeşkenê verê na bêedaletîya verê edlîye bigêrê. Na bêdaletîye şexsê dadîyêke de vera pêro komelî yena kerdene. Wezîrê Edaletî têna ewnîyeno. Sîstemo bêedalet mejbûr o ke birîjîyo.''