Mîhraç Mîroglu zî tede heta nika 42 merdimê kurdî hetê wesayîtê zirxînî yê dewleta tirke ra kişîyayî. Nê cînayetan de qet yew kiştox nêame cezakerdene. Kiştoxê Mîhraçî zî îfade ra dima vera dîya.

Serekê Merkezê Heqanê Domanan ê Baroyê Amedî Emîn Gunî  cînayetê wesayîtê zirxî û polîtîkaya bêcezaverdayîşî ANFyî rê ercnayî.

 Gunî pare kerd ke wesayîtê zirxînî cara ganî cuya rojane de ca nêgêrê ke sey makîneyanê şerî yenê qebulkerdene. Gunî pare kerd ke goreyê raporê ÎHDyî mîyanê 13 serran de 40 ra zêdêr merdimî pê wesayîtê zirxînî kişîyayî û vat: ''Wextê serebûtî de raporî sey raporê qezayê tarfîkî  nusîyenê. Goreyê qaîdeyanê trafîkî wesayîtî zereyê şaristanî de tewr zaf pê 30 km eşkenê şorê. Pê nê lezî şima nêeşkenê merdiman bikişê.

Polîs û leşkerê tirkî polîtîkaya bêcezaverdayîşî ra hayîdar ê. Heta nika nê cîyanetan de çewî ceza nêgiewte. Eke sîstemê edaletî wina nêbîyêne ma nika qala hende mergan nêkerdêne. Na polîtîkaya bêcezaverdayîşî Kurdîstan de 'motîvasyon' danê polîs û leşkeran, manîpulasyonan kenê.''