Komeleya 78an a Amedî  derheqê tecrîdê vera Rayberê Şarê Kurdî Abdullah Ocalanî de  banê xo yê komele de eşkerayîyêke daye. Eşerayîya ke parlamenterê HDPyî yê Amedî Dersîme Dag û Remzîye Tosune û serekê partîye yê Amedî Zeyyat Ceylan zî tewrê ci bîyî ame waştene ke tecrîd bêro wedartene.

Eşkerayîya ke kurtkî ameye dayene de bale ameye antene serê muhîmîya rolê Ocalanî ser û ama vatene:'' Ma sey 78an ê ke zîndanê Amedî dîyo tecrîdî qebûl nêkenê.  Grevê vêşanîye yê ke  2012, 2016, 2018 û 2019 hetê tepişteyanê sîyasîyan ra ameyî kerdene bû yewe qala Ocalanî qedîyayî. Meseleya kurdî de aktoro tewr girîng Ocalan o. Ganî tecrîd bêro wedartene û vernîya Ocalanî bêro akerdene.

Goreyê sazîyanê heqanê merdiman zînan tewr tay hezar  300 tepişteyê nêweşî  estê û zafê înan nêweşê  giran ê. Reyna 2 hezaran ra zafêr tepişteyî 25-30 serrî yê zerre de yê ganî nê bêrê veradayene. La înfazê înan ameyî vêşnayene û şertanê giranan de yenê tepiştene. Îqtîdarê AKP-MHPyî pêkerdişanê mîyanneteweyî binpay keno. Ganî tecrîdê Îmraliyî û heme zîndananê bînan bêro wedartene û semedê pêvînayîşan şertî bêrê rameyene.  Wa masaya çareserî newe ra bêro ronayene.  Tecrîd vera merdimîye sûc o.