Koordînasyonê Komalanê Ciwanan şehadetê gerîlayê HPGyî Senar Zagrosî (Serhat Goksu) ser o eşkerayîyêke daye.

Eşkerayîye de bale ameye antene raştîya şehadetî û şehîdanê PKKyî ser. Eşkerayîye wina dewam kena: ''9ê tebaxe de ma eşnawit ke embazê ma Senar Zagros (Serhat Goksu) şehîd bîyo. Embaz Senarî wextê xoverdayîşê xoîdarekerdişî de cepheyê Xoverdayîşê Geverî de ca girewt û hêrişê dişmenî de bi giranî birîndar bi. Embaz Senar wextêkê dergî ame dermankerdene la dima ke rewşa ci giran bîya wedarîyayo nêweşxane. Embaz Senar 9ê tebaxe de nêweşxane de şehîd bîyo. Sere de keyeyê ci yê ercîyayeyî rê ma pêro şarê welatperwerî yê Kurdîstanî rê serweşîye wazenê.

Embaz Senar kelaya xoverdayîşî ya Serhedî Qereyazî de dadîya xo ra bîyo. O ciwanîya xo de tewrê karanê ciwanan bi û serra 2020î de zî tewrê têkoşînê azadîye yê PKKyî bi. Dima o hetê dewleta faşîste ra ame tepiştene û wextêk zîndan de mend. Embaz Senarî dima ke zîndan ra vejîya reyna verê xo da koyanê azadan ê Kurdîstanî.

Embaz Senarî pê tewirê xo yê fedakar, bêhesabî têkoşîn de ca girewt û bi milîtanêko şorişgêr o mîsal. Ey tim xeta Rayber Apoyî ser o xo perwerde kerd, pê rêxistinkerdişî ciwananê Kurdîstanî rê rayberîye kerde û Mexmûr de vera cerganê DAÎŞî şer kerd.

Embaz Senarî têkoşînê xo yê cuye Serhed de da destpêkerdene, koyanê Kurdîstanî reyde têkoşînê xo kerd yew. Embaz Senar ciwananê welatperweran ê Kurdîstanî rê mîrasêko pîl verda. Ci rê sozê ma yo ke ma do dişmen çin bikerê, Kurdîstanî azad bikerê, pê rengê Senarî xo ver bidê û şerêkê pîlî bikerê!

Nê esasî ser o ma reyna keyeyê erjîyayeyî yê şehîdê xo rê serweşîye wazenê û venga pêro ciwananê Kurdîstanî danê ke xeta embaz Senarî de têkoşîn pîl bikerê, tewrê refanê azadîye bibê.''