Zimnako Mihemed Emîno ke dewa Qizilce ya qezaya Pêncewînî ya Başûrê Kurdîstanî ra yo derheqê hêrişanê îşxalî yê dewleta tirke de bi taybetî derheqê bombardumanê 24ê tebaxa 2021î de ANFyî rê qisey kerd.

Zimnako Mihemed Emînî pare kerd ke herêma înan herêma leşkerî nîya herêma sivîlan a û vat: ''No erd ê babî û kalanê ma yo. Teyarayê tirkî nêverdenê ma tîya de bi aramî biciwîyê. Dewleta tirke keda ma, bax û baçeyanê ma ke ma pê debara xo kenê pê bombardumanan çin kena. Domanê mi nika vengêkê qijî ra zî tersenê. Serê sibayî hewn de înan ma ser o bombayî varnayî, na bêexlaqî ya. Ez venga hukmatê Kurdîstanî û rêxistinanê heqanê merdiman danê ke wa verê nê hêrişan bigêrê. Dewleta tirke pê hêrişê vera Başûrê Kurdîstanî wazena şarê kurdî çin bikera. La wa bizana ke kurdî pê bombardumanan nêqedîyenê.

Wa şarê Başûrî zî hukmatê Herêman Kurdîstanî zî vera nê hêrişan tewirê xo bimojnê. Wa bêrê bivînê çi zerar heta nika resayo ma ser. Eke wina bibo şar do na herême biterikno.''