23ê nîsane ra nata artêşa tirke ya îşxalkere hêrişê herêmanê Zap, Metîna û Avaşînî yê Herêmanê Pawitişî yê Medya kena. Artêşa îşxalkere rixmê pêro teknîkê xo zî ha bin kewena. Nê şerî de artêşa îşxalkere hêzanê paramîlîteran, cergan û leşkeranê kîrakerdeyan şuxilnena.

Artêşa îşxalkere her roje kişte û birîndaran dana la raştîyan rayaumûmîye ra nimnena. Dewleta tirke pê rayîrê medyaya şerê taybetî manîpulasyonan kena û xo sey serkewte mojnena.

Seke eşkerayîuya Merkezê Îrtîbatî û Çapemenîye yê HPGyî de zî derbaz bena 10ê êlule de Zap de leşkerêko ke psîkolojîya ci rijîyaya yewina xo teriknaye û waşt teslîmê gerîlayan bino. La no leşker hetê yewina îşxalkeran ra kişîya. Rixmo ke gerîlayan semedê xelisnayîşê nê leşkerî xîret kerd û şerêko pîl kerd leşker merd. Medyaya tirke na raştîye reyna mîyan kerde. Goreyê doneyanê gerîlayan nameyê nê leşkerî Sezaî Gungor o.

Dewleta tirke xo nê serebûtî rê lal û kor kerd la  dokument û hacetê ke gerîlayan vistî destî raştîyan eşkera kenê. Goreyê nînan Sezaî Gungp 29ê adara 1993î de qezaya Payîzava ya Wanî de dadîya xo ra bîyo, nameyê dadîya ci Nurtene û nameyê babîyê ci Siddik o. Keyeyê Sezaî Gungorî serran ra nata qezaya Karasuyî ya Sakarya de ciwîyeno. Nê dokumentan de dîyeno ke Sezaî Gungor kurdêkê Wanî yo.

Nasnameyo leşkerî yê Sezaî Gungorî eşkera keno ke o 2015 de sey leşkerêkê bipereyî kewto mîyanê artêşa tirke û sey çawişî fermandarîya artêşa îşxalkere de têgêrayêne. O bi numaraya 2015-5496î mîyanê artêşa tirke ya îşxalkere de ameyo qeydkerdene.

Raştîya Sezaî Gungorî mojnena ke kurdî bibê leşker û hemkarê dewleta tirke zî qetî nênê qebulkerdene, goreyê fermanê înan tênêgêrîyeno. Kişîyayîşê Sezaî Gungorî netîceya maceraya hemkarîya dewleta tirke kifş keno.