Eşkerayîya Komîteyanê Zîndanan ê PKK û PAJKî wina ya:

''Sîyasetê înkarî û qirkerdişî yê dewleta tirke ya faşîste her ca de dewam keno. Ferasetê 'Kurdo tewr baş kurdo merg o'' ewro zî bi pêro metodanê gemarinan dewam keno. Her cayê welatî bi zîndan, şîdet, îşkence û qirkerdiş.

Îqtîdarî vera xoverdayoxan zîndanî vistî dewre. Sere de Zîndanê Îmraliyî pêro zîndanî bîyî îşkencexane. Bi tecrîd û îşkenceyê Rayber Apoyî wazenê ke şarê kurdî û Têkoşînê Azadîye bêrê teslîmgirewtene û tasfîyekerdene. Her roje zîndanan ra xebera mergî, tabutî yenê. Îşkence bi tepişteyanê şorişgêran yeno kerdene û tepişteyê nêweşî nênê weşkerdene. 

Çîyo tewr xirab zî no yo ke rayaumûmîye vera nê kerdişanê dewleta tirke ya faşîste bêhîsger a. Vera qetilkerdişê embazanê ma refleksêko pîl nêno dayene û bi nê hawayî qirkerdişî dewam kenê. Wexto ke embazê ma zîndanan de mirenê ganî no bibo semedê serewedaritişî. Sere de keyeyaê tepişte û şehîdan ganî cinîyî, ciwanî û şarê ma xoverdayîşê xo xurt bikerê. Ganî her kes bira xo bido û çi hewce keno bikero. 

Nê esasî ser o ma embazanê xo yê şehîdan bi rêzdarî û bi hûrmetî yad kenê û sozê xo dibare kenê ke ma do kiştoxan ra hesab bipersê. Ma venga şarê xo û rayaumûmîya demokratîke danê ke wa wurzê payan ser û esasê şiknayîşê sîstemê tecrîdî û îşkenceyî yê Îmraliyî ser o bi şîara 'Wa zîndanan ra tabut nêro' wayîrê tepişteyanê şorişgêran bivejîyê."