Roniştoxanê Kampa Multecîyan a Şehîd Rûstem Cûdîyî (Mexmûr) vera hêrişanê bi çekanê kîmyewîyan ê dewleta tirke bînaya Keyeyanê Şehîdan de eşkerayîyêke daye.

Endama Koordînasyonê Meclîsê Îştarî Xurbete Îşlek eşkerayîye wende. Îşleke da zanayene ke ê do serra diyîne ya Hemleya Wextê Azadîye tewrê hemle benê. Îşleke pare kerd ke dewleta tirke ya îşxalkere vera gerîlayan çekanê kîmyewîyan xebitnena.

Îşleke vat: ''Îradeyê gerîlayan qetî do ser bikewê. Ma do vera nê hêrişan çalakîyanê demokratîkan bikerê. Wa hukmatê Iraqî zî derheqê babete de mesuldarîya xo bîyaro ca.''

Eşkerayîye pê sloganan qedîyaye.