Goreyê eşkerayîya ke hetê çimeyanê asayîşî ra ameye dayene 11ê êlule de vera Meydanê Teyarayan ê Mîyanneteweyî yê Hewlêrî pê dorneyan hêriş ame kerdene.

Dîya zanayene ke meydan de baregehêkê yewîyanê koalîsyonê mîyanneteweyî yo ke vera DAÎŞî têgêreno, esto. Hêrişî de tewr tay di teqayîşî qewimîyayî. Dîya zanayene ke vînîbîyayîşê ganî çîn o. Aşma temmuze de zî eynî ca de wina hêriş amebi kerdene. Reyna Meydanê Teyarayan ê Baxdadî ke leşkerê Amerîka tede ameyî cakerdene de zî hêrişêko winayên amebi kerdene.