Nameyê ci Bariş bi. Dadîya ci semedo ke domanê ci mîsyonê xo bîyaro ca no name kerd pa. Bariş Tektaş yan zî bi nameyê xo yê bînî Çîya Amed...

O Amed de dadîya xo ra beno, uca de beno, partî şinasneno û tewrê têkoşînî beno. Ey serranê verênan de wina qala partîye kerde:

''Wextê dibistane de nakokîyan dest pêkerdbî. Ma nêeşkayêne ziwanê xo qisey bikerê. Keye de ziwanêko bîn, dibistane de ziwanêko bîn estbi...Çend reyî mi xîret kerd ke twra gerîlayan bîya la embazan vatêne 'ti qij î.' La dişmenî rixmê emrê ma yê qijî ma rê îşkence kerdêne. Çira ez nê sîstemî de bîyayêne vînî? Pê nê fikran ez tewra gerîlayan bîya. Wexto ke mi rê qala partîye ameye kerdene ez ameya. Cuya gerîlatîye raştîya mi îfade kerdêne. Ma semedo ke azad biciwîyê, semedo ke şarê ma azad biciwîyo xo feda kenê, ma xo îdeolojîya PKKyî, keda Rayber Apoyî rê deyndar hîs kenê.''

Çîya perwerde ra dima bi gerîla. Ey tewirêko rûmetên da. O şi Avaşîn û tîya de pratîk kerd. Ey waştêne şoro Zagrosan. Bêmabên rayîrî ra şi. Her ke şi hîna bi pispor. 

1ê temmuza 2020î de ey pa komêka embazanê xo Avaşîn de qey wezîfeyêkî verê xo da Girê Xwedê û Girê Bayrakî. No ca semedê ey cayê dişmenî ra qesasgirewtişî, bedelandayîşî bi. Dima ke ey vera dişmenî şer kerd nameyê xo Avaşînî ser o nuşt.