Merkezê Îrtîbatî û Çapemenîye yê HPGyî eşkerayîya nuştîke daye û nasnameyê 6 gerîlayanê ke Mêrdîn de şehîd bîyî eşkera kerdî.

Eşkerayîye de nê ameyî parekerdene:

''7ê gulane de herêma Bagokî yê eyaletê Mêrdînî de di tîmê me gama ke wezîfeyê  xo ser o bî warê Şehîd Merwanî de hetê yewîyanê nimiteyan ê îşxalkeran ra ameyî ferqkerdene. Bi gêrayîşê teyarayanê keşîfî operasyon dîya destpêkerdene. 8ê gulane de warê gerîlayan bi teyarayanê şerî û 6 helîkopteranê hêrişî ame bombardumankerdene. Nê  hêrişî de 6 embazê ma tewrê kerwanê şehîdan bîyî.

Bager Serxwebûn

Embazê ma Bager Serxwebûn keyeyêko welatperwer ê Qoserê Mêrdînî de ameyo dinya û bi heskerdişê welatperwerîye bîyo pîl. Hesretê koyanê Kurdîstanî û gerîlayan ra unîversîte caverdayo û tewrê sefanê gerîlayan bîyo. Badê girewtişê perwerdeyî xo pê felsefe û îdeolojîya Apoyîyî resnayo û falîyetê pratîkî rayra berdî. Dima ra Akademîyanê Apollonî de  perwerde dî û tecrubeyê xo yê gerîlatîye zafêr kerdî. Sey fermadanrêkî agêrayo herra xo, eyaletê Mêrdînî. Tîya sey serkêşî rolê xo serekwte ardî ca û heta şehdatê xo têkoşîno xurt dayo.

Silave Ronahî

Hemraya ma Silave Ronahî Adana de ameya dinya l eslê xo de hezexij a û eşîrê Didêrî ra ya. Rixmo ke metropolanê Tirkîya de bîya pîl aslîmîlasyon û bêhelqbîyayîş çirey qebûl nêkerd. 2014 de bado ke çeteyanê DAÎŞî hêrişê Kobanê kerd qerarê tewrbîyayîşî girewto û vera hêrişanê serê Sûr, Silopî û Cizîre tewrê YPSyî bîya ke bajaranê Kurdîstanî de dişmenî ra qesas bigîro. Mîyanê têkoşînî de xo newe ra afernayo û bîya fermadara serkewtîye ya YJA Starî. 2017 de verê xo dayo eyaletê Mêrdînî û tîya wezîfeyê xo biserewtiş ardî ca.

Bager Tolhildan

Hemrayê ma Bager Tolhildan qezaya Nisêbînî ya Mêrdînî ya ke bi serhildan û welatperwerîya xo yena zanayene de ameyo dinya. Keyeyêko şehîdê ci estî de bîyo pîl. Apê ci hemrayê ma Ferhat ( Abdullah Aslan)  1996 de gama ke Bagok de fermandarê herême bi Nisêbîn de bi şerkerişê qehremankî şehîd kewtbi. Hemrayê ma Bager 2011 de tewrê xebatanê ciwanan bi û 2012 de ame tepiştene û di serrî zîndan de mend. 2015 de Xoverdayîşê Xoîdarkerdişî yê Nisêbînî de ca girewto. Tewr peynî de verê xo dayo koyanê Kurdîstanî. Bado ke Herêmanê Pawitişî yê Medya de perwerde dîyo sey fermandarêkî agêrayo Mêrdîn û wezîfeyê xo bi serekwtişî ardî ca. Hema ke weş bi sey qehremanêkî zerrîya şarê Nisêbînî de cayê xo girewtbi.

Sîdar Rizok

Hemrayê ma Sîdar Rizok keyeyêko welatperwer ê Hezexî de ameyo dinya û bi kulturê welatperwerîye bîyo pîl. Unîversîte de sîyasetê qirkerdişî yê vera kurdan dahîna nêzdî ra dîyo û seba ke vera nayî têkoşîn bikero tewrê sefanê gerîlayan bîyo.  Heftanîn de hîrê serrî pratîk rayra berdo û dima ra pewerdeyê leşkerî dîyo û bi performansê xo yê perwerdeyî biyo feramdandar. 2019 de verê xo dayo eyaletê Mêrdînî û tîya pratîko serkewte ramojnayo.

Rizgar Koçer

Hemrayê ma Rizgar Koçer keyeyêko welatperwer ê qezaya Nisêbînî ya Mêrdînî de ameyo dinya. Sey domanêkê keyeyê koçerî bi hîsanê tewr pak û safan ê welatperwerîye bîyo pîl. 2015 de warê Besta yê Botanî de tewrê gerîlayan bîyo. Tewrê xeylêk çalakîyan bîyo û hema rewî ra tecrubeyê pîlî kerdî peyser û bîyo fermandar. Dima ra ravêrt eyaletê Mêrdînî. Tîya zî tewrê xeylêk çalakîyan bîyo,çalakîyan rê serkêşîye kerda û bîyo fermandarêko nimûne.

 Agir Qoser

Hemrayê ma Rizgar Koçer keyeyêko welatperwer ê qezaya Qoserî ya Mêrdînî de ameyo dinya û atmosferê xoverdayîş û têkoşînî yê Kurdîstanî de bîyo pîl. Wextê Şorişê Rojawanî de Vakurê Kurdîstanî de tewrê serhildanê Kobenê bîyo û qerarê tewrbîyayîşê têkoşînî dayo. Zap de dest pê gerîlatîye kerde û Zagrosan de xo resnayo û bîyo gerîlayo serkewte. 2018 de ravêrto Vakurê Kurdîstanî. Sey gerîlayê sînayeyî zerrîya embazanê xo de ca girewt û heta şehadetê xo tewirê xo yê mîlîtanî yê Apoyîyî ra tewîz nêdayo.

Ma pê bawerê ke şarê Mêrdînî yo welaperwer û ciwanê ci nê şehedetan sey senî ke zaf reyî dîyî bi ruhê serhildanî verwazî kenê, têkoşînî pîl kenê ke û wayîrê şehîdanê xo vejîyenê. Na çarçewe de sere de keyeyê şehîdanê ma yê sînayeyan ma şerê Mêrdînî û heme şarê welatperwerî yê Kurdîstanî rê serweşîye wazenê. Ma do têkoşînî pîlêr bikerê, waştişê  hemrayanê xo  bîyarê ci û qesasê înan bîgêrê.''

 

Nameyê Qodî: Sîdar Rizok

Name û Peyname: Musa Anter Çatak

Cayê Bîyayîşî: Şirnex

Maye-Pî: Hatîce - Mehmet Saît

Tarîx û Cayê Şehadetî: 8ê Gulana 2021 / Mêrdîn

Nameyê Qodî: Rizgar Koçer

Name û Peyname: Serhat Erîcek

Cayê Bîyayîşî: Mêrdîn

Maye-Pî: Selîme-Salih

Tarîx û Cayê Şehadetî: 8ê Gulana 2021 / Mêrdîn

Nameyê Qodî: Agir Qoser

Name û Peyname: Mazlûm Kizil

Cayê Bîyayîşî: Mêrdîn

Maye-Pî: Rahîme-Halîl

Tarîx û Cayê Şehadetî: 8ê Gulana 2021 / Mêrdîn

Nameyê Qodî: Bager Tolhildan

Name û Peyname: Ramazan Aslan

Cayê Bîyayîşî: Mêrdîn

Maye-Pî: Rûkîye-Osman

Tarîx û Cayê Şehadetî: 8ê Gulana 2021 / Mêrdîn

Nameyê Qodî: Silave Ronahî

Name û Peyname: Hedîye Balur

Cayê Bîyayîşî: Edene

Maye-Pî: Emîne-Mahmut

Tarîx û Cayê Şehadetî: 8ê Gulana 2021 / Mêrdîn

Nameyê Qodî: Bager Serxwebûn

Name û Peyname: Bayram Kuzu

Cayê Bîyayîşî: Mêrdîn

Maye-Pî: Azîze-Yusuf

Tarîx û Cayê Şehadetî: 8ê Gulana 2021 / Mêrdîn