Eşkerayîya Komîteya Rayberdişî ya PKKyî wina ya:

"Embaz Omer Çager (Hoca) yo ke ewlado ercaye yê şarê Kurdîstanî, welatperwerêko pîl û milîtanêko kedkar ê partîya ma PKKyî bi wexto ke ameyêne weşkerdene 22ê çeleyî de şehîd bi.Embaz Hocayî 35 serrî yê xo yê ercayeyî dîyarîya Kurdîstanî kerdî. Ma ey bi rêz û mînetî yad kenê û dejê keyeyê ci, embazanê ci û şarê ma yê welatperwerî pare kenê. 

Embaz Haci yo ke kedkarê Şorişê Azadîye yê Kurdîstanî bi Mêrdînî ra tewrê PKKyî bi û welatperwerîya xo bi xeta Rayber Apoyî girêdaye. Embaz Hocayî pêro wezîfeyê xo bi temamî û  bi serkewtişî ardî ca. Bi serkewtiş, fedakarî û çêrîya xo tim hetê embazanê xo ra zaf ame heskerdene.

Coka embazê ma yê partîye sere de cinîyî û camêrdî alaya ke Hocayî înan rê teslîm kerde do berz bikerê û vîrameyîşê Hocayî Kurdîstanê Azadî de do bidê ciwîyayene. Ciwanê kurdî do bi durustî, karkerî, bawerîya Rayber Apoyî û fedakarîya embaz Hocayî xo perwerde bikerê û verê xo bidê serkewtişî.

Nê esasî ser o ma reyna şexsê embaz Hocayî de şehîdanê xo yê çêran yad kenê. Ma venga embazan û şarê xo kenê ke xeta Rayberîye û şehîdan de têkoşînê ma yê azadîye xurt bikerê, zîhnîyetê faşîstî û sîyasetê faşîstî ra hesab bipersê û dîktatorîye çin bikerê."