Polîsan eşt bînaya TUHAY-DERî ya Wanî ser
Çarçewa operasyonê qirkerdişê sîyasî de polîsan eşt bînaya şubeyê Wanî ya TUHAY-DERî û keyeyanê îdarekaranê komele ser. Hemserek Seyfettîn Ertaş zî tede zaf îdarekarî ameyî destbendkerdene.
Polîsan eşt keyeyanê îdarekaran û endamanê Komeleya Hetkarî û Paştdayîşê Keyeyanê Tepişteyan û Hukmwerdan a Wanî (TUHAY-DER) ser. Ame parekerdene ke polîsan eşt keyeyê Hemserekê TUHAY-DERî Seyfettîn Ertaşî, îdarekarê ci Kînyas Başakî, Hemserekê Komele yê verênî Onder Sogukbulanik ser û zaf kesanê bînan. Sereştişanê keyeyan de 3 kesî ameyî destbendkerdene. Kesê ke ameyî destbendkerdene ameyî berdene bi Mudirîyetê Polîsan ê Wanî.
Sereştişanê keyeyan ra dima polîsan dormeyê bînaya TUHAY-DERî girewt û bîna de nêzdîyê 3 saetan cigêrayîş kerd.
