Aryena Botan Newroza 1995î ra rojêke verî şaristanê Girkê Legê yê Botanî de dadîya xo ra bîya. Şorişê Rojawanî hêvî û xeyalanê Aryena keno gandar û a bi hawayêkê aktîfî tewra şorişê Rojawanî bena.

Aryena serrêke mîyanê xebatanê Şorişê Rojawanî de ca gêna û Rayberê Şarê Kurdî Abdullah Ocalanî û PKKyî nêzdî ra şinasnena. Bi nê hawayî Aryena 2014 de tewra gerîlayan bena û cigêrayîşanê xo zî kirişnena koyanê Kurdîstanî.

Aryena Akademîya Şehîd Çekdar Amed û Leyla Şaylemez de ca gêna dima dest pê erkî kena. Aryena wextêkî ra dima mîyanê PKKyî de bena namzeta fermandarîya kesayetê cinîya azada kurde.

Pê vateyê ci Aryena xo warê leşkerî de şinasnena û koyan de sîstemî zî nêzdî ra şinasnena. Aryena kesayetê xo de têkoşînê pîlî kena û nê têkoşînî de ser kewena. Aryena dima bena fermandarêka marîfetîne zî. A bena wayîra bawerî û îrade û bi nê hawayî têkoşînê azadîye rê rayberîye kena.

Aryena Botan embazanê xo Hêlîne Cûdî û Rûkene Botan reyde hêrişêkê hawayî yê dewleta tirke ya qirkere de 28ê gulana 2019î de Girê Roje yê warê Qalatûka yê Qendîlî de şehîd bena. Aryena Botan rayîrêko derg û roşnî xo pey de verda.