Seba ke keyeyî şorê verê HDPyî înan rê tedaya girane yena kerdene

Polîsan Bazîd de eşt keyeyêk ser ke domanê înan koyan de yo û keye rê teda kerde ke şoro verê bînaya HDPyî ya Amedî.

Polîsan vizêr şewe eşt keyeyê Şerefogluyî yo ke qezaya Bazîdî ya Amedî de ciwîyeno ser. Polîsan keye rê teda kerde ke şoro verê bînaya HDPyî ya Amedî.

Dadîye Yildiz Şerefoglu îfade kerd ke vizêr şewe saete 23:00 de keyeyê înan bi wesayîtanê zirxînan ame dormegirewtene û vat: ''Dima ke dorme girewte anons kerd û vat 'teslîm bibê'. Mi zî laçîka sipî ya xo pecera ra derg kerde. Dima ma vejîyayî teber. Bi saetan keyeyê ma de gêrayî. Mi rê vatêne: 'îxbar ame ke PKKyîjî keye de estê.' Mi zî vat ke ê zûr kenê. Persa ke çira domanê mi hetê PKKyî de yê. Mi zî var bi bira xo şîyî. Dima qala keyeyanê ke verê bînaya HDPyî de nişenê ro kerde û vat: 'Şima nê keyeyan nêvînenê. Biewnê ê resayî domananê xo. Dewlete verarê xo her kesî rê akena. Eke ti zî şora verê HDPyî ma do paştî bidê to zî.' Mi zî înan rê va ke ez çîyêkê winasênî nêkena."