Gerîlayo rojawanij Qehreman Hesekê 2ê êlula 2008î de tewrê kerwanê şehîdan bi.Endamê Konseya Leşkerî ya HPGyî Azad Sîsero ke şehîd bi û fermandaranê HPGyî ra Botan Vartoyo ke Qehreman Hesekê reyde têkoşîn kerd, qala ey kerde.

Şehîd Azad Sîserî kesayetê şorişgêrî û şerwanîya Qehreman Hesekêyî ser o wina qisey kerd: ''O sey nameyê xo qehreman bi. O merdimêkê dewa bi. Pê bawerî û îradeyêkê xurtî ey her hele tewirê xo mojna. Ey qetî tecrîdê vera Rayberîye qebul nêkerd û tewrê Hemleya 1ê Hezîrane bi. Çalakîya ci ya peyêne 2ê êlula 2008î de vera qereqolê Kîgî Tetwanî bi. O fermandarê çalakîye bi. Çalakîya ci seke ey plan kerbdi derbêka girane daye dişmenî ro. Embaz Qehreman embaz Munzur, Sefkan û Ozgurî reyde adirê qesasî fîna ta. Ey wexto ke semedê çalakîye xatir waşt vat 'Siba ma do pê serkewtişêkê pîlî abigêrê, ma do bimojnê ke ma kam ê û senî qesas gênê.' Raşta zî sey vateyê ci bi. Na çalakîye de embaz Qehreman birîndar bi. Rixmê israrê embazanê xo zî semedê asayîşê embazanê xo pê vateyê 'Biciwîyo Serek Apo' bombaya xo serê xo de teqnaya. Heman hêrişî de embaz Ozgur, Munzur û Sefkan zî şehîd bîyî.''

Fermandarê HPGyî Botan Vartoyî vat: ''Embaz Qehremanî 1996 de warê Rayberîye de perwerde dî û dima dest pê pratîkî kerd. O binê şertanê giranan de zî tim bicoş û bimoral bi. O rojawanij bi la têkilîya ci ya bi şarê Vakurî weş bi. Ey tim vatêne 'Ez do biba teqîbkerdoxê perwerîya îradae û kesayetê embazan Şehîd Serxwebûn û Şehîd Sorxwînî.' 23ê hezîrana 2005î de mîyanê roje ma vera dişmenî şer kerd. Ma 7 noqtayanê cîyayab de pê 3 koman cîya bîyî. koma embaz Qehremanî de rewşêka negatîfe nêqewimîyaye. Ey şehadetê xo ra verî vatbi ke 'Partî, şar, Rayberîye û embazan rê selam bikerê.' Dima zî vat 'Biciwîyo Serek Apo.' Sey milîtanêkê ercîyayeyî yê xeta Apogîre o zerrîya ma de ame definkerdene.''