Ferhat Bariş Konduyo ke tedaya dewleta tirke ra semed Başûrê Kurdîstanî de ciwîyeno vizêr serê sibayî kesêkî bi çeke hêrişê ci kerd. Kondu bi giranî birîndar bi û wedarîya nêweşxaneyî. Yeno vatene ke hêriş hetê MÎTî ra ameyo serûberkerdene.

Aktîvîstanê Vakurê Kurdîstanî yê ke teda û gefanê Tirkîya ra koçê Başûrî kerd verê nêweşxaneyî de eşkerayîyêke daye. Nameyê griseyî ser o Serekê Komeleya Mezopotamya Musa Çîftçîyî eşkerayîye daye. Çîftçîyî da zanayene ke Kondu bi serran zîndanê Tirkîya de mendo û Başûr de statuyê ci yê koçberê sîyasî esto. 

Çîftçîyî pare kerd ke MÎT înan û keyayanê înan rê gef waneno, ajanîye ferz keno û hêrişê vera Konduyî gef û şantajanê dewleta tirke ra azade nîyê. Çîftçîyî vat: ''Ma senî ke vera nê kerdişan xo ver da reyna do xo ver bidê. Ma venga Tirkîya danê ke peynîya polîtîkayanê xo yê vera ma bîyara. Ma venga Neteweyanê Yewbîyayeyan û YNKyî danê ke asayîşê koçberan bîyarê ca.''

Eşkerayîye pê sloganê 'Xoverdayîş ciwîyayîş o' qedîyaye.