Çewlîg de vera pêsnayîşê awe her roje nêrazîbîyayîşî zêdîyenê. Xeylêk taxanê Çewlîgî de mesele ameye berdene bi Şaredarîya Çewlîgî ya AKPyî la mesele heta nika nêameye çareserkerdene.

Roniştoxê taxa Sarayî zî semedo ke meseleya awe bîyarê ziwan Parka Rabîa de kom bîyî.

Roniştoxan pare kerd ke mengêke ra nata awa înan pêsîyena û vat: ''Awa taxe hetê ekîpanê şaredarîye ra yena pêsnayene. Ma xeylêk zehmetan ancenê. Ya awe bidor bidê ma yan zî vanaya awe parka Rabîa de meqefilnê! Ma tim gêrenê selahîyetdaran, ê vanê 'Temam ma do xebere bidê ekîpan.' La reyna awa ma nêna. 

Ma her roje çirrikê nêweşxane ra awe kirişnenê. Ma wazenê wa awe çirrikê ma ra bêra coka ma tîya de ameyî pêser. Wa şaredarîye vengê ma bieşnawa û çi hewce keno bikera.''