Fermandaran Yewînanê Rojhelatê Kurdîstanî (YRK) Rizgar Welatî bi wesîleya serrgêra 22. ya komployê mîyanneteweyî ya 15ê sibate bale ante tecrîdê giranî yê Rayberê Şarê Kurdî Abdullah Ocalanî ser.

Welatî destpêk de komployê 15ê sibate şermezar kerd û ard ziwan ke seba ke şarê kurdî bênasname bêro verdayene vera Ocalanî komplo ame kerdene.

Welatî îfade kerd ke Rayberê Şarê Kurdî yo ke bi nê armancî  girawêke de yeno tepiştene seba ke îrtîbatê ci yê bi şarî qut bibo bi hawayêkê giranî yeno tecrîdkerdene û vat: ''Azadîya Rayber Apoyî seba ma, şarê ma, merdimanê azadîwaştoxan wezîfeyê tarîxî yo.''

Fermandarê YRKyî Rizgar Welatî na babete de bi taybetî bale ante rol û rayberîya ciwanan ser û venga ciwanan da ke tewrê gerîlayan bibê û rayberîya cuya newe bikerê.

Welatî vat: "Bi beşdarîya gerîlayan ma pîya Rayber Apo azad bikerê, welatê xo awan bikerê û nê esasî ser o pawitişê şarê xo bikerê.''