Têgêrayîşê Komelê Demokratîkî (TEV-DEM) derheqê erdlerzê Xarpêtî de eşkerayîyêke weşanaye.

Eşkerayîye wina ya:

''Ma destpêk de keyeyanê ke merdimê ci birîndar ê rê şîfa wazenê 

Na reya verêne nîya ke şaristananê Vakurê Kurdîstanî û Tirkîya de erdlerz qewimîyeno. Hetê madî û manewî ra zîyanêko pîl esto û hukmatê Tirkîya tebdîrî nêgirewtî. No zî mojneno ke asayîşê bînayanê ke ameyî viraştene nêame caardene.

Hukmatê tirkî yo faşîst eba ke hîs û rehmê dezgehanê mîyanneteweyan bixebitno keno ke na trajedîye hetê sîyasî ra fayde bivîno. Seba erdlerzan tebdîrî nêameyî girewtene, seba kesanê ke teber de manenê binê erdî de cayê mendişî nêameyî awankerdene.

Ma sey TEV-DEMî venga rêxistinanê mîyanneteweyan danê ke hetkarîya mexduranê erdlerzî bikerê. Şaro ke keyeyê ci rijîyayî hukmatî ra hetkarîyêke nêdîye. Ma venga pêro şarê Kurdîstanî danê ke paştî bidê way û birayanê xo yê tirkan û kurdan."