Dewleta tirke ya îşxalkere 17ê nîsana 2022yî de vera Zap, Avaşîn û Metîna hêrişê îşxalî da destpêkerdene û seba ke nêeşkena vera têkoşînê Gerîlayanê Azaîdye yê Kurdîstanî aver şiro çekanê kîmyewîyan şuxulnena. Gerîlaya YJA Starî Zeryane Esmer Botan qala 122 rojanê ke tunelanê şerî yê Werxelê ravêrnayî kerd.

Zeryane Esmer Botan vat: ''Ma prosesê şerê giranî ra ravêrtî û hema zî ravêrenê. Verê şerî ez Qilê Werxelê de bîya û amadekarîya ma  yê şerî bibî. Warê Werxelê warêko stratejîk o ke hem Avaşîn, hem Zap hem zî qismêkê ci pabesteyê herêma Sîda yo. Heme hemrayê ma yê Tunalanê Şerî yê Werxelê zanayêne ke proses senî muhîm o bi heyacanê girdî tewrê nê şerî bîyî. Îşxalkeran tewr verî leşkerê xo Qilê Werxelê yê herêma Zapî de nayî ro.

Ma operasyon pawetenê. Gama ke embazan xebere daye ma vat 'operasyonî dest pê kerdo, çekanê xo yê B-7î bigêrê bêrê' heyecanî ma girewt. No şero verêne bi ke ez tewrê ci bîyêne. Çalakîya ma ya verêne heyacan fîna mîyanê ma pêrune. Rojanê verênan ê operasyonî de ma şîyî dişmenî ser ke derbe bidê dişmenî ro û herême ra bifînê dûrî. Seba ke zor dîya artêşa tirke aye verê xo da Werxelê yo ke pabesteyê Avaşînî yo. Dişmen ame qilo ke ma tede  yê û tîya zî çalakîyan dewam kerd. 

Ma wextê çalakîyan de dî ke leşkerê artêşa tirke senî tersenê û îradeyê înan ê şerî çîn o. Dişmenî vera ma dest pê şuxulnayîşê çekanê kîmyewîyan kerd. Seba ke ma tedbîrê xo girewtî verî tesîrê ma nêkerd. La seba ke nê hêrişî têdima ameyî kerdene û tesîrê nê gazan zaf giran bi tay hemrayê ma şehîd bîyî. Dişmenî çiwext hêriş kerdêne gerîlayan pê çalakîyan cewab dayêne. Dişmenî tîya polîtîkaya şerê taybetî fînayene dewre û gama ke kewtêne zorî cade semedê teslîmîyetî veng dayêne. Seba ke îradeyê gerîlayan bişikino her rayîr şuxulnayêne. La wextanê wînayênan  de merdim xo dahîna hol nas keno û zafêr keno ke kerdişanê dişmenî batal vejo.

Tunalenê Şerî yê Werxelê de raşta zî gerîlayan zaf zor da dişmenî. Roja verêna ra heta roja peyêne dişmenî pê heme giranîya xo ame tunalanê şerî ser. Dişmenî kerdêne ke helêke cuwa ver Werxelê bîgêro. Metodê cîya cîyayî xululnayî ke bikewo tunelan la ma destûr nêdayêne. Dişmenî gazê cîya cîyayî şuxulnayî ke boye û rengê înan cîya bî û tesîrê cîyayî kerdêne. Tay gazê ke tesîrê sînîrî kenê şuxulnayêne ke boya înan çînêbî. Têgêrayîşê ma pê belgeyan sûcê şerî yê dewleta tirke rayapêroyîye dir pare kerd.

Dişmenî pê kepçeyan waşt şikeftê ma birijno la o se keno wa bikero nêeşkeno îradayê gerîlayan bişikino û vera înan ser bikewo. Werxelê de no ruho fedayî vejîyabi werte. Gerîlayî seba ke zerrî ra Rayberîye û şehîdan rê giradeye yê moral û motîvasyonê înan zaf berz o. Coka vanê ma do çirey bin mekewê û bin nêkewnê. Ma do rêçê şehîdanê Werxelê de têkoşînî girdêr bikerê.

Xeyrê qehremanîya şehîdan Werxelê sey qelayê têkoşînî tarîx de cayê xo girewt. Dişmenî zaf metodê cîya cîyayî şuxulnayî la nêeşka îrade û têkoşînê ma bişikino. Senî ke tunlan de têkoşîno xurt dîya erazî de zî darba mergî dayêne dişmenî ro. Teber û zere de bi ruhê fedayîyî semedê pawitişê Werxelê têkoşîno xurt ame kerdene. Ma do berpirsîyarîya xo bîyarê ca şêrê ma yo ke hema dewam keno de ser bikewê.Seba ke mi mîyanê nê têkoşînî de ca girewt ez sereberz a.''