Merkezê Îrtîbatî û Çapemenîye yê HPGyî bi wesîleya  menga gulane eşkerayîye daye û nê vatî:

''Fedayîyanê ma seba ke şarê ma bibo wayîrê ameyoxê bianorî têkoşînê ma yê azadîye girewt milê xo ser û bêteredutî ver bi şehadetî şîyî. Têgêrayîşo Apoyî serkêşîya Rayber Apoyî de têkoşînê xo yê 52 de serran de her menge û serre de şehîdî dayî û artêşa şehîdanê bêmergan, xeta şehîdanê serkewteyan û semedê şarê kurdî erjê bimbarekî afirnayî. Şorişgêro pîl Hakî Karero ke Rayber Apoyî vano ''Sey ruhê mi yê nimiteyî bi'' 18ê gulane 1977î de şehîd bi. Na roje sey ''Roja Şehîdan'' û menga gulane zî sey ''Menga Şehîdan'' ameye qebulkerdene. Şehîdanê ma bi erjanê ke afirnayî do tim zerrîya şarê ma de bimanî.

Şahadetê hemrayan Alî Haytar Kaytan û Riza Altunî Kongreya 12. ya PKKyî de ame eşkerakerdene. Hemrayê Rayber Apoyî yo verên, hermrayê heqîqetî, serkêşê têkoşînê ma, pîrê ma hemra Fuato ke zerrîya ci bi eşqê Rayberîye pirr bi, sey xoverdayoxêkê xeta Apoyî morê xo da têkoşînê ma ro. Klavuzê têkoşînî yê hemrayanê xo hemrayê ma yo rayber Riza yê ke xo û heme keyeyê xo bêteretudî kerdî mîyanê têkoşînê azadîye, bi tewirê xo yê bêtersî, kedkarê pîlî yê xeta xopawitişî, xoverdayoxê zîndanan, dîplomatê westayî yê sîyasetê demokratîkî nameyê xo eşnatiene. Ma nê wird rayberanê xo yê pîlan hemrayanê xo Fuat û Rizayî bihurmet, heskerdiş, mînet û hesretî yad kenê.

Seba ke bi hezaran qehremanî bi xoverdayîşê destankî menga gulane de şehîd bîyî na menge kerde menga şehîdan. Ma şexsê hemra Hakî Karerî de heme şehîdanê menga gulane û  şehîdanê şorişî bihurme tû mînetî yad kenê û soz danê ke ma do vîrameyîşê şehîdanê xo bi serkewtişê têkoşînê xo tacîdar bikerê. Ma do sey Gerîlayanê Azadîye yê Kurdîstanî yê ke bi ruhê fedayîyî yê Apoyî xeta şehîdan de têkoşîn kenê, ma do tim bi hewayêkê qerardarî xeta şehîdan teqîp bikerê  û çirey tewirê xo ra tewîz medê.

Şehîd Namirin!''