Dewa Uzuntaşî ya qezaya Purtuge ya Meletî ya ke erdlerzê Xarpêtî zaf tesîrê ci kerd vizêr şewe firtine ame meydan û xeymê ke hetê AFADî ra ameybî vilakerdene qelişîyayî ra û perayî. Dewe de nêzdîye 200 hebî keyeyî estê û zafê ci erdlerz de texrîb bîyî.

Dewe de hewa binê sifirî de des dereceyan ra kêm o. Hemwelatîyê ke xeymê înan vaûvirike de perayî neçare mendî ke abigêrê keyeyanê xo yê texrîbbîyayan. 

Hemwelatîyê bi nameyê Abîdîn Çeberî (55) vat: ''Dewa ma binê koyê Nemrutî de yo, zaf berz a. Ma nêeşkenê ke teber de bimanê. Tîya de wexto ke firtine vejîyeno serê keyeyî zî perenê. Xora xeymî zî do nêmanê."

Çeberî îfade kerd ke dewijan xebere daye selahîyetdaran la kesêk nêame û cigêrayîş nêkerd. Çeberî da zanayene ke verg û xinzirî zî şewe yenê dewe û coka binê nê şert û mercan de kes nêeşkeno teber de bimano.