Velî Encuyo ke Qirkerişê Roboskî de birayê ci merdimê ci ameybî qetilkerdene, hemşaredarê Dêrgulî yê verênî Mehmet Demîrî zî tede dewaya 5 kesan de 4 kesan rê cezaya zîndanî ya 25 serran ameye dayene.
Derheqê Velî Encu yo ke Qirkerdişê Roboskî de birayê ci Serhat û zaf merdimê ci ameybî qetilkerdene, Hemşaredarê verênî yê Dêrgulî Mehmet Demîr, Salîh Kerçîn, Mazlum Guzel û Şehmus Kerçînî de dewa amebî akerdene. Roniştişê bire Mehkema Cezaya Girane ya 1. ya Şirnexî de ame dîyene. Avûkatan û merdimanê 5 kesan ra ber kesêk nêame girewtene mehkeme.
Velî Encuyî pawitişê xo de îfade kerd ke o mexdurê serebûtî yo û beraatê xo waşt. Hemşaredarê verênî yê Dêrgulî Mehmet Demîr, Mazlum Guzel û Şehmus Kerçînî zî beraatê xo waştî.
Avûkatan zî ard ziwan ke ganî goreyê îfadeyanê şahîdan nêro têgerayene û beraatê muwekîlanê xo waştî.
Heyetê mehkeme derheqê Salîh Kerçînî de bira veradayîşî, derheqê Mehmet Demîrî û Mazlum Guzelî de bi îdîaya ''endamîya rêxistine'' bira cezaya 7 serr û 6 mengan, derheqê Velî Encuyî û Şehmus Kerçînî de zî bi îdîaya ''hetkarîya rêxistine'' û ''endamîya rêxistine'' bira cezaya zînndanî ya 5 serran daye. Mehkeme bire daye ke rewşa tepişteyê 4 kesan dewam bikera.
