Endamê Komîteya Keyeyanê Şehîdan a PKKyî  Yasîn Bulut (Şukrî Serhed) semedê tedawîya nêweşîya xo şibi Silêmanî. Silêmanî de vera Bulıtî hêrişê bi çeke ame kerdene.

Hêriş serê sibayî saete 09:00 de taxa Çarçira de ame kerdene. Dîya zanayene ke Bulut wexto le rayîrî ra şîyêne kes yan zî kesanê nenasan hêrişê ci kerd.

Buluto ke çar guleyî dekewtî bedenê ci cade şehîd bi. Polîsan cenazaya Bulutî ameye berdene bi Dezgehê Tipê Edlîyî.

Çimeyanê herêmîyan pare kerd ke suîkast hetê servîsanê îstîxbaratî yê tirkan ra ame kerdene

Yasîn Bulut 1957 de şaristanê Qersî yê Vakurê Kurdîstanî de dadîya xo ra bîyo û 1978 de tewrê PKKyî bi. O wextê Darbeya 12ê Êlula 1980î de tepişîya û Zîndanê Amedî de mend. Bulut zîndan de maruzê îşkenceyanê wehşîyan mend û kadroyê rayberî yê PKKyî şinasnayî. Dima ke zîndanî ra vejîya 1991 de Bulutî verê xo da koyan. Bulut 15 serrî yo Komîteya Keyeyanê Şehîdan a PKKyî de ca girewtêne û Başûrê Kurdîstanî de wezîfe kerdêne.