Hemserekê Partîya Herêman ê Demokratîkan (DBP) Keskîn Bayindirî derheqê tecrîdê vera Rayberê Şarê Kurdî Abdullah Ocalanî de ANFyî rê qisey kerd.

Keskîn Bayindirî vist vîrî ke Newroza 2021î de şarê kurdî  tewir û îradeyê xo vera meseleya tecrîdkerdişê Abdullah Ocalanî mojna û vat: ''Rojdemê ma yo bingeyîn tecrîd o. Çunke şarê kurdî tecrîdî qebul nêkeno. Ma kombîyayîşanê xo yê bi şarî de dî ke semedo ke  torrêka têkoşînî ya yewbîyaye ya vera tecrîdî bêra afernayene îradeyêk eşkera bîyo.''

Bayindirî îfade kerd ke tecrîdo giran ê vera Abdullah Ocalanî welatî pê krîzan fatisneno û vat: ''Çime û enerjîya welatî bi temamî semedê neçareserkerdişê meseleya kurdan ser o şuxilîyenê. Coka şarê kurdî semedê çareserîya meseleyan Birêz Ocalanî nîşan keno. kurdî û komelê Tirkîya hînî nê îqtîdarî qebul nêkenê. Eke xeta yewbîyaye ya xoverdayîşî bêra awankerdene no îqtîdar do birijo. Ma sey DBPyî giranîye danê ney ser.''