Gerîlaya Hêzanê Pawitişê Cinîyan ê Rojhelatê Kurdîstanî (HPJ) Jîyane Manî derheqê emrê qijî de zewijnayîşî de qisey kerd.

Gerîla Jîyane vat: ''Rejîmê Îranî pê zewijnayîşê qijan qirkerdişê komelî û cinîyan armanc keno. Heyf ke nê serebûtî kêm nêbenê eqsê ci zêdîyenê. Îşxalê Îranî ney sey çîyêkê fermî mojneno. Emrê qijî de zewijîyayîş merdimî keno kole. Ganî Rojhelatê Kurdîstanî de û Îran de serkêşîya cinîyan de merdimî wayîrê kampanyaya KJARî vejîyê. Ganî vera şerê taybetî û qirkerdişan ma sere wedarnê.

Ganî cinîyî verê xo bidê cepheyê têkoşînî. Ez venga cinîyan û her kesî dana ke raştîya xo bizanê û bigêrê azadîye.  Rejîmê Îranî qestî ra ciwanan teşwîqê şerê taybetî keno. Wa her kes bizano ke emrê qijî de zewijîyayîş-zewijnayîş polîtîkayêka şerê taybetî ya. Ganî her kes verê ney de vindero.''