Semedê asfaltkerdişê rayîrê Çewlîg-Dara Hênî 2012 de îhale amebî kerdene. Rixmê 10 serran hema zî rayîrê Dara Hênî nêame asfaltkerdene. Rayîr semedo ke nêame asfaltkerdene texrîb bi û wesayîtî bi taybetî şewe nêeşkenê asfaltî ser o şorê.

Roniştoxê Dara Hênî anê ziwan ke selahîyetdarî vera meseleyanê înan bêeleqe yê û peygoşî kenê.

Roniştoxanê Dara Hênî vat: ''Na rewşe seke ma rê ceza ya. Pêro cayan de rayîrî duz û tertîbkerde yê, rayîrê dewan zî yenê asfaltkerdene la rayîrê ma bêasfalt ê. Xet û xêzê rayîrî hînî nêasenê. Ma şewan tersenê pê wesayîtan şorê cayêk. Eke selahîyetdarî na mesele çareser nêkerê ma eşkenê se bikerê? Hînî bes o.''