Merkezê Îrtîbatî û Çapemenîye yê HPGyî derheqê çalakîyanê gerîlayan ê hêrişê artêşa tirke de eşkerayîye daye.

Eşkerayîya HPGyî de nê ameyî parekerdene:

''Warê Xoverdayîşî yê Warê Werxelê yê Herêma Avaşînî de;

31ê tebaxe de artêşa tirke saetanê serê sibayî ra heta şanî artêşa tirke pê gazanê axuyinan û madeyanê teqanayîşî Warê Xoverdayîşî yê Werxelê 6 rey bombarduman kerd. Îşxakeranê ke waşt ver bi Warê Xoverdayîşî aver şirê  badê mudaxaleyê xoverdayoxanê ma peyser agêrayî

1ê êlule de reyna  saetanê serê sibîya ra Warê Xoverdayîşî yê Werxelê pê gazanê axuyinan yeno bombardumankerdene. Serê waranê xoverdayîşî de têgrayîşê drone û teyarayanê keşîfî dewam keno.

31ê tebaxe de dewa Şîyê ya bajarekê Dînartê yê qezaya Akrê, dormeyê dewanê Bênavê, Dêşîşê û seraro yê Kanî Masî ya Amedîye û Kela Qûmrîyê û Girê Mozelanî pê teyaranê şerî ameyî bombardumankerdene.

Reyna xeta Qaşûra ya Metîna û waranê Girê Sorî, Girê Sipî, Girê Silêmanî, Mervanos û Tabûrê Ereban ê herêma Avaşînî de têgêrayîşê helîkopteran qewimîya.

Eynî roje Warê Xoverdayîşî yê Werxelê pê helîkopteranê hêrişî ame bombardumankerdene.

Zap de zî 31ê tebaxe de warê Girê Şehîd Sîmkoyî û 1ê êlule de warê Saca pê helîkopteranê hêrişî û teyarayanê şerî ameyî bombardumankerdene.''

.”