Artêşa tirke ya îşxalkere vera Başûrê Kurdîstanî 23ê nîsane de dest pê hêrişanê îşxalî kerd. Tewr zaf gerîlayî zanenê ke îşxal yeno çi mana. 23ê nîsane ra nata hêrişê tewr giranî yê vera erd, koy, awe û daranê herêma Avaşînî yenê kerdene.

Destpêkê nê hêrişan de gerîlayan vatêne 'No xoverdayîş do pêbehmpa bibo.' Xoverdayîşê Bêhempayî 4 mengî xo pey de verdayî. Xoverdayîşê Tepê Sorî zî cepheyê tewr vernî yê şerî de yeno kerdene.

Artêşa tirke ya îşxalkere Mamreşo, Aeris Faris û Werxelê ra dima 15ê hezîrana 2012î de Girê Silêmanî û dima zî Tepê Sorî de têgêrayîşê xo dewam kerd. Bi nê têgêrayîşî warê Basya yê Avaşînî de dest pê hêrişî kerd. Armanco bingeyî yê hêrişê artêşa tirke warê Basya de Tepê Sorî bi. Seke gerîlayanê Avaşînî vatêne Tepê Sorî 'kela' bîye.

Artêşa tirke menga hezîrane de hêzê xo Girê Silêmanî der ardî war. Aye vatêne qey Girê Silêmanî de xo rê baregehêk rona û gerîlayî do nêeşkê bêrê uca. La hesabê înan ser nêkewtî. Gerîlayan o çax cade semedê şerî amadekarîya xo kerde û dişmen teqîb kerd. Çend rojan de warê Tepê Sorî de têgêrayîşê dişmenî dest pêkerd. Bi nê hawayî xoverdayîşê bêhempayî yê gerîlayan Tepê Sorî de 3 mengî xo pey de verdayî.

Seke gerîlayî vanê Tepê Sorî sey kelayêk a. Hem berz o hem zî tede tunelê şerî estê. Rixmo ke girê dormeyê Tepê Sorî hetê artêşa tirke ra ameyî îşxalkerdene gerîlayî nê cepheyî pawenê û kenê pîl. Têna semedê xatirê keda gerîlayan Tepê Sorî de şerêko pîl qewimîya. Semedê amadekarîya nê tunelan gerîlayan bi serra gonî û bedelî dabî.

Dima ke operasyonanê îşxalî dest pêkerd gerîlayanê HPG û YJA-Starî yê Tepê Sorî vera artêşa tirke bi desan çalakîyî kerdî. Rayîr û metodanê gerîlatîya dewrê neweyî bêqusur ardî ca û hem mîyanê tunelanê şerî de hem zî teberê tunelan de derbî dayî artêşa îşxalkere ro. Xoverdayîşê gerîlayan  nê cayî de resa asta tewr berze.

Artêşa tirke hezîrane ra nata Tepê Sorî de her roje çeka kîmyewî û gazê jehrînî xebitnena. Pê teqaberan kena ke heqê tunelan ra bêra. La reyna zî nêeşkena netîce bigêra. Artêşa tirke Tepê Sorî de menda.  Gerîlayê Tepê Sorî binkewtişê dişmenî ser o hacetan ra agahîyan danê, vanê hêrişanê înan ê vera tunelan bênetîce mendî û ê wayîrê ê îradeyî yê ke bi serran eşkenê şer bikerê.