Gerîlayanê ke Hemleya Cengê Xabûrî de xeta Qaşûra ya Metîna de vera îşxalkeran xo ver danê ANFyî rê qisey kerd.

Gerîla Alîşêrî bale ante binkewtişê artêşa tirke ya îşxalkere ser û vat: ''Her roje ma vera dişmenî çalakîyan kenê. Dewleta tirke ya îşxalkere heta nika nêeşkaye netîceyêke bivisna destî û ha bin kewena. Xoverdayîşê Zendûra bîyo çimeyê hêzî yê gerîlayan. Nê şerî de afernayoxîya gerîlayan vejîyena vernî û gerîlayî bi nê hawayî şer kenê. Metod û taktîkê ma teknîkê dişmenî pûç kenê. Dişmen pê xoverdayîşê ma kewto şok. ''

Gerîla Arîne zî nê ercnayîşî kerdî: ''Qerardarîya ma pîl a. Artêşa tirke ya îşxalkere do netîce nêgêra. Nika ma şerê tîman kenê û bi nê hawayî erdî ser o vila benê. A bîne ma babeta nimitebîyayîşî ser o zaf vindenê. Ma do senî warî goreyê lazimîya xo bixebitnê, ma ney ser o vindenê. Xoverdayîşê Zendûra yo ke kesayetê 6 egîdan de ame kerdene ma rê mîsalêko pîl o. Hêzê cinîyan nê cengî de dîyarker o. Wexto ke merdimî mîyanê ney de ciwîyenê hêzê cinîyan kokê ci ra şinasnenê. Ez bi xo mîyanê nê şerî de hêzê xo şinasnena. Na çarçewa de îdîayê ma pîl ê. Ma do dişmen xeta Qaşûra de bierzê war.''