Sîyasetmedaro kurd Yuksel Koço ke bajarê Bremenî yê Almanya de ciwîyeno saetanê serê sibayî de çarçeweya tehqîqetêkî de yo ke Karlsruhe de yeno rayraberdene, sereştişê keyeyê ci de ame destbendkerdene.

Serşetişê keyeyê Koçî de cigêrayîşê polîsan bi saetan dewam kerd. Badê cigêrayîşî polîsan rixmo ke belgeyêk nêmojna keyeyî, Yuksel Koç berd Karlsruhe.

Avukatê Fatma Sayina ke ANFyî rê qisey kerd nê vatî: ''Muwekîlê mi Yuksel Koç çarçewaya ganûnê 129-Byî de bi îdîaya qadroyê PKKyî ame destbendkerdene. Xebatê legalî yê ke muwekîlê mi mabênê tarîxanê 2016-2023yî de sey Hemserekê KCDK-E kerdî sey sûcî yenê vînayene. 4ê nîsana 2025î de qerarê destbendkerdiş û tepiştişî ameyo girewtene û ewro saetanê serê sibayî de keyeyê ci de ame destbendkerdene û ame berdene Karlsruhe. Bado ke qerar rîyê ci rê bêro wedene beno ke reyna bero ardene cayê îkametê ci Bremen ya zî cayo tewr nizdî Hamburg. Muwekîlê mi têna xebatê legalî kerdî, tim verê çimanê şarî de yo. Ma do wextê muhekemekerdişî de heme îtîrazanê xo bikerê.''

Mehmet Demîro ke bi serran o Almanya vera qedexeyê PKKyî têkoşînê huqûqî reyna beno vera destbendkerdişê Koçî hêrsê xo ard ziwan û vat: ''Wezîrîya Karanê Teberî ya Almanya seba ke PKKyî xo fes kerd, keyfweşîya xo ard ziwan û waşt semedê haştîye înîsîyatîf bîgîro, wina înîsîyatîf genê? Almanya bi destbendkerdişê kurdan paştî dana prosesî?''

Serranê peyênan de Bremen de hêrişê polîsanê almanan ê vera krudan zêdîyayî. Waştişê îltîca ê kurdan, muracatê hemwelatîye û waştişê kar û komeleakerdişê kurdan yenê krîmînalîzekerdene. Polîsê almanan zaf reyî eşt  komele ser.

26ê nîsana 2025î de gama ke 30 cinîyî komele de bî polîsan eşt ser û bîlasebeb bi saetan şar zere de tepişt. Serşetişê komele yê 21ê kanûna 2024î de kitab û metaryalê dîjîtalî hetê polîsan ra ameyî destsernayene.  Serşetişê vera komele yê 16ê çeleyê 2024î de zî di fotografê Rayber Apoyî û bîletê şewa kulturî ameybî destsernayene. Eynî roje endamê komele Kadrî. S. ame destbendkerdene ke hema zîndan de yeno tepiştene.