Îdarekara TEV-DEMî Hedla Hesen derheqê hêriş û mudaxeleyê vera Şingalî de ANFyî rê qisey kerd.

Hedla Hesnî hêrişî şermezar kerdî û vat: ''Wexto ke DAÎŞî hêrişê Şingalî kerdbi hukmatê Iraqî bêveng mendbi û têna gerîlayanê azadîye û hêzanê Şingalî xo ver da. Wexto ke DAÎŞî hêrişê Şingakî kerd kêna û cinîyê Şingalî bazaran de ameyî rotene. Nika zî xîretê îşxalê Şingalî yeno kerdene la xoverdayîşê hêzanê Şingalî do nê hêrişan bişikno.

Ma vînenê ke xeylêk hêzî wazenê kurdan qir bikerê. Hukmatê Kazimîyî dewleta tirke û PDKyî reyde hêrişan mîyan de ca gêno. Xora yeno waştene ke mabênê Şingal û Rojawanî de dês bivirazîyo û têkilîya înan bêra birnayene. Şingal de îdareyo xoser est o, şar eşkeno xo îdare bikero. PDK û dewleta tirke wazenê destkewteyanê Şingalî çin bikerê û nêwazenê kurdan xo îdare bikerê. Ma venga pêro kurdan danê ke wa vera hêrişan tewirêkê zelalî bimojnê.''