Îdareyê Xoserî yê Rojawanî pare kerd ke dewleta tirke herême de 'temsîlkarîya projeyêkê winasênî kena ke rijnayîş xo rê kerd armanc'. Îdareyê Xoserî venga komelê mîyanneteweyî da ke dewleta tirke vindarno.
Îdareyê Xoserî yê Rojawanî derheqê sûcanê dewleta tirke de eşkerayîyêke daye û da zanayene ke herême de 'tesmîlkarîya projeyêkê winasênî kena ke rijnayîş xo rê kerd armanc'. Îdareyê Xoserî venga komelê mîyanneteweyî da ke dewleta tirke vindarno.
Îdareyê Xoserî îfade kerd ke dewleta tirke seba pêro herême û dinya tehlukeyêk a û pêro krîteranê exlaqî û qanûnîyan binpay kena. Eşkerayîye de ame vatene ke dewleta tirke têna Sûrîye de nê Lîbya, Dengizê Sipî, Afrîka de zî goreyê projeyê rijnayîşî têgêrena û mudaxeleyê alozîya mabênê Azerbeycan û Armenîstanî kena û alozî geş kena.
Eşkerayîye wina dewam kena: ''Ma sîyasetê rijnayîşî yê Tirkîya şermezar kenê. Ganî Yewîya Ewropa, NATO, Konseya Asayîşî ya NYyî û Yewîya Ewropa vera Tirkîya tewirê xo bimojnê û aye vindarnê. Eke wina nêbo rijnayîş û kerdişê Tirkîya do dewam bikerê. Dewleta tirke herême de temsîlkarîya projeyêkê winasênî kena ke rijnayîş xo rê kerd armanc. Dewleta tirke herême û dinya de şer kena ferz. Coka ganî komelo mîyanneteweyî bi lezabezî mudaxeleyê dewleta tirke bikero.''
