Hemserekê Meclîsê Îdareyê Xoserî yê Herêma Firatî Mihemed Şahînî cewab da persanê ANFyî. Qiseykerdişê Şahînî ra beşêko kilm wina yo:

''AKP hema zî qesasê Kobanê gêno. AKP paştî dano rêxistinanê terorîstan, Iraq, Lîbya, Başûrê Kurdîstanî û Dengizê Sipî de sîyasetê şaşî keno. Nê sîyasetî ra AKP warê mîyanneteweyîyî de lîsteya reşe de ya. Tirkîya mîyanê tengasîyêka pîle de ya. Her hetî ra krîzê pîlî ancena.  Sîyasetê îşxalî yê AKPyî Rojhelatê Mîyanênî de hînî ame çinkerdene. Nika zî AKP zere de bin keweno. Coka AKp wazeno Tirkîya de demokrasî çin bikera û estbîyayîşê xo dewam bikera.

AKP îdarekaranê HDPyî tepişeno. Çunke HDP paştî dano Şorişê Rojawanî. Hînî destê AKPyî de çîyêk nêmendo. AKP zî naye hol zaneno.

AKP seba ke bieşko payan ser o bimano wazeno demokrasî çin bikero Aqîbetê înan do sey rejîmanê welatan ê ereban nêbo ke xoverdayîşê 40-50 serran ra dima rijîyayê. Şertê nikayênî nê şansî nêdanê AKPyî.Rojhelatê Mîyanênî de hînî sîstemê demokratîkî yenê qebulkerdene. AKP û hîşmendîyê sey AKPyî hetê şarê Rojhelatê Mîyanênî ra nênê qebulkerdene. Peynîya AKPyî nêzdî ya.''