Fermandaranê Têgêrayîşê Azadîye yê Kurdîstanî ra Şaha Dêrika ke rîyê nêweşîya kanserî ra dinyaya xo bedilnaye, Şehîdgehê Şehd Xebat Dêrikî de bi merasîmêkê biheybetî ameye definkerdene.

Şaro ke cenazaya Şaha Dêrik Nêwexaneyê Dêrikî ra girewt bi bi desan wesayîtan sey konvoy kewt rayîrê Şehîdgehê Şehd Xebat Dêrikî. Cenazaya şehîde dekewtişê şehîdgehî ra heta warê merasîmî ermeyanê cinîyan ser ameye kiriştene. Badê rêzgirewtişî verî Endama Koordînasyonê Kongraya Starî Hêva Erebo qisey kerd.

Hêva sere de keyeyê Şaha û Têgêrayîşê Azadîye yê Kurdîstanî rê serweşîye waşte û vat: ''Şehîde şaha 30 serrî keda pîle daye û şarê xo rê mîrasêko gird verda.'' Hemserekê Meclîsê Rayberdişî yê Îdareyê Xoserî yê Efrînî Şîraz Hemoyî zî vat: ''Şehîde Şaha ruhê xo yo şorişgêr şarê Erîn û Şehba rê verda.''

Badê qiseykerdişan mesajê serweşîye yê Meclîsê Keyeyanê Şehîdan ê Mexmûrî ameye wendene. Mesaj de ame vatene: ''Domanê multecîyê ke Kampa Şehîd Rustem Cûdîyî de manenê xeyrê şehîde Şaha ziwanê dayîka xo musayî. Ma bi nameyê bi desan cinîyan ê ke xeyrê şehîde Şaha tewrê Têgêrayîşê Azadîye yê Kurdîstanî bîyî soz danê ke ma do tim têkoşînê aye ganî tepişê.''

Dima belgeyê şehadetî yê şehîde ame wendene û teslîmê keyeyê ci bi. Cenazaya şehîde bi tilîlîyan û slogana 'şehîdî nêmirenî' ameye definkerdene.