Artêşa tirke Girê Sipî, Şera û Şehba dayî bombayan ver
Artêşa tirke ya îşxalkere û cerganê ci Girê Sipî, Şera û Şehba dayî bombayan ver. Bombardumanê Girê Sipî de kesêkî dinyaya xo bedilnaye.
Hêrişê artêşa tirke ya îşxalkere yê vera Rojawanî dewam kenê.
Artêşa tirke ya îşxalkere Girê Sipî de dewê Ehmediyê, Dunyak, Erîda, Bîr Ereb, Serzûrî, Huriyê, Kopirlîk û Xanê dayî bombayan ver. Bombarduman de hemwelatîyê bi nameyê Hemûd Elî Osmano ke bi giranî birîndar bibi şehîd bi û hemwelatîyê bi nameyê Mihemed Eyûb zî hema birîndar o.
Artêşa îşxalkere cerganê xo reyde dewê Mernazê, Elqemiyê û Şewarxa yê qezaya Şera yê Efrînî dayî bombayan ver.
Hetê bînî ra dewê Til Medîq, çiyayê Nayêf, Şêx Îsa û Minixê û dormeyê Awbendê Şehba dîyayî bombayan ver. Dîya zanayene ke tewr tay 20 obusî kewtî Şehba.
