Îdareyê Xoserî bi wesîleya serrgêra 10ine ya azadkerdişê Kobanê eşkerayîyêke daye. Eşkerayîye wina ya:

''Xoverdayîşê Kobanê 10 serrî xo pey de verdayî ke nê xoverdayîşî projeyê serê herême qedînayî. Xoverdayîşê Kobanê bi yewîya şarê ma vera projeyanê îmha û qirkerdişî îradeyê şarê ma eşkera kerd. Serkewtişê Kobanê serkewtişê merdimatîye bi û Sûrîye û dinya tehluke û netîceyanê radîkalîzmî ra pawitî.

Seba ke pêro şarê ma û enternasyonalîstî tewrê nê xoverdayîşî bîyê îsbat bi ke serkewtiş îradeyê azadî înşa keno. Ma şehîdanê nê xoverdayîşî yad kenê. Sey Îdareyê Xoserî ma ancî vanê ke ganî destkewteyê Xoverdayîşê Kobanê bipawîyê. Ma venga komelê mîyanneteweyîyî û hêzanê neteweyîyan danê ke verê gefanê serê nê destkewteyan de hişyar bibê. Eke hêrişê vera Rojawanî bi taybetî hêrişê vera Awbendê Tişrînî dewam bikerê DAÎŞ do gandar bibo û felaketî ancî do bêrê.

Ma soz danê ke şarê ma û rayaumûmîye de seba xurtkerdişê xoverdayîş û têkoşînî ma xîret bikerê. uhê xoverdayîşî yo ke Kobanê de zîl da, Tişrîn de dewam keno û ser keweno. Ma do bi nê ruhî hesreta haştîye û demokrasîyî ya şarê ma bîyarê ca, herêmanê îşxalkerdeyan azad bikerê, îşxalkeran def bikerê, projeyanê hegemonîkan tarûmar bikerê û Sûrîyeya demokratîke awan bikerê.''