Cerganê Efrînî ciwanêk remna û xeylêk zeytûnêrî birnayî
Cerganê dewleta tirke ya îşxalkere Mabata de ciwanê bi nameyê Mihemed Şukrî Şêx Seydî remna û Bilbil de zî nêzdîyê 375 zeytûnêrî birnayî.
Efrînê îşxalkerdeyî de sûcê dewleta tirke ya îşxalkerde û cerganê ci dewam kenê.
Çimeyêkê herêmîyî da zanayene ke qezaya Mabata ya Efrînî de 11ê nîsane de cerganê 'Polîsanê Leşkerîyan' ê dewleta tirke ya îşxalkerde, ciwan Mihemed Şukrî Şêx Seydî (28) remna. Ame parekerdene ke aqîbetê ciwanî nêzanîyeno.
Çimeyêkê bînî zî dîyar kerd ke qezaya Bilbilî ya Efrînî de cerganê Sultan Muradî 375 zeytûnêrî birnayî.
Îşxalê Efrînî ra nata îşxalkeran tewr tay 2 hezar zeytûnêrê Efrînî birnayî û berdî ke biroşê.
