Cinîyanê herêma Kobanê derheqê kampanyaya vera qedexeyê serê PKKyî de ANFyî rê qisey kerd.

Leyla Ehmed ard ziwan ke PKK hezêko meşrû yo û seba azadîye têkoşîn keno. Leyla  vat: ''Hêzê serdestê ke her cayî talan kenê terorîst ê. PKK seba haştîye û azadîye têkoşîn keno. Hêzê serdestî seba ke kurdan bêheqî verdê PKK kerd mîyanê na lîste. Hêzê ke vera Rayber Apoyî komplo kerdo înan PKK kerdo na lîste. Ez venga pêro kurdan dana ke seba ke PKK 'lîsteya terorî' ra bêro vetene têbigêrê.''

Şîlane Misto pare kerd ke dewleta tirke ya îşxalkere verê çiman de vera gerîlayan hêrişanê kîmyewîyan kena û vat: ''Eke PKK lîsteya terorî ra bêro vetene no do seba meseleya kurdan bibo gamêke. Efrînê îşxalkerdeyî de çew nêeşkeno bi ziwanê xo yê dayîke qisey bikero. Her çi qedexe yo. Çira ê lîsteya terorî de nîyê la PKK na lîste de yo? Seba ke PKK na lîste ra bêro vetene ma do tim çalakîyan bikerê.''

Vervatoxa Yewîya Cinîyan ê Ciwanan a Herêma Firatî Firyake Temî da zanayene ke ganî PKK lîsteya terorî ra bêro vetene û vat: ''PKK seba heqanê merdiman têkoşîn keno. Eke PKK na lîste ra bêro vetene azadîye û haştîye do bêrê caardene. Ma do heta peyênî peyê gerîlayan û têgêrayîşê azadîye de yê. Lîsteya terorî ra vetişê PKKyî seba çareserîya meseleyan zaf girîng o.''