Rayberîya Têgêrayîşê Ciwanan ê Şorişgêran de bi tewrbîyayîşê bi seyan ciwanan îşxalê dewleta tirke yê vera Efrînî ame şermezarkerdene.

Ciwanî bi sloganê ''Bi ruhê xoverdayîşê zîndanan, serewedaritişî tecrîd çin bikerê, Efrîn bixelisnê' û ''Bi ruhê Xoverdayîşê Rûmetî ma do abigêrê Efrînî'' rayîrî ra şîyî.

Rayraşîyayîş qezaya Til Rifatî de dest pêkerd û dima rayraşîyayîş vurîya bi nawnayîşêk. Deqayêkê rêzgirewtişî ra dima endamê Têgêrayîşê Ciwanan ê Şorişgêran bi ziwanê erebkî û endamê Têgêrayîşê Wendekaran ê Demokratîkan Rêgaz Hemoyî bi ziwanê kurdkî eşkerayîye wende.

Eşkerayîye wina ya: "Ma ewro seba serrgêra diyîne ya hêrişê vera erdê xo sozê xo yê têkoşînî û xoverdayîşî newe ra danê. Ma sey ciwananê Şorişgêran ê Efrînî soz danê ke ma do rêxistina xo, rêxistina komelî xurtêr bikerê û welatê ke vera nê herişan bêveng manenê şermezar bikerê."

Rayraşîyayîş bi sloganan qedîya.