Dewleta tirke ya îşxalkere û çeteyê ci 8ê kanûna 2024î ra nata hêrişê Awbendê Tişrînî kenê. Xoverdayîşê şervananê YPJ û QSDyî yê vera hêrişan dewam keno. Şaranê Rojawanî zî 8ê çeleyê 2025î de semedê pawitişê Awbendê Tişrînî nobete daye destpêkerdene.

Şervana YPJyî Delale Çîya ard ziwan ke di mengan ra zafêr o ê cepheyê Tişrînî de vera hêrişanê dewleta tirke û çeteyanê ci xover danê û vat: ''Dewleta tirke ya îşxalkere û çeteyê ci rixmo ke hewa û erdî ra hêriş kenê hema netîce nêgirewt. Hêrişî qetî bê cewab nêmanenê. Badê her hêrişî darbanê giranan wenê û nêewnîyenê peyê xo ra remenê. Şervanê YPJyî xoverdayîşê girdî kenê. Nê şerî de îradeyê ma xurt o. Ma do ser bikewê.''

Delale Çîya xoverdayîşê şaran ê Awbendê Tişrînî selam kerd û qiseykerdişê xo wina domna: ''Bi hêrişê vera şaran wazenê qesas bigîrê. La şarî herre, awe û awbendê xo pawenê. Şarê semedê pawitişê erdê xo qerardar ê. Hêzê dewleta tirke nêmendo, nefesê xo yê peyênî ciwîyena û Tişrîn do bibo nefesê ci  yo peyên.''

Delale Çîya bale ante xoverdayîşê şervananê YPJyî ser û qiseykerdişê xo wina qedîna: ''YPJ senî ke her hemle de her warê şerî de bi serkêş, ewro zî Tişrîn de serkêşîye keno. Rixmê teknîkê berzî têkoşînê ma nêşîkîya. Ma têkoşînê xo domnenê. Nobeta şaran a Tişrînî zaf moral da şervanan. Hêrsê şaran hêrsê ma zî dahîna keno gird. Ma do semedê şarê xo xoverdayîşê xo bidomnê.''