Dewleta tirke pîya bi çeteyanê xo reyna dewê Minbic, Kobanê û Şehba dayî bombayan ver. Artêşa tirke bi saetan herême ser o bi seyan guleyê topî varnayî.

Dewanê Xirab Eto, Zor Mixar, Beyadê, Ehmed Munir, Ziyaretî , Siftetê û Bobanê û Qilê Miştenurî dîyayî bombayan ver û bi hewayê hemwextî teyarayê keşîfî gêrayî. Kobanê ser o panc teyarayê keşîfî gêrayî.

Dewanê Hirbil û Semuqa yê Şehba û dormeyê Awbendê Şehba de 20 guleyê obusî, vera dewanê Kobanê û Minbicî zî 200yî ra zafê topî ameyî eştene.

Saetanê erey ê şewe de zî dewê Um Dadat û Arbakiloyî yê Minbicî dîyayî bombayan ver.

Pîya bi nê hêrişan nuqtayê hukmatê Şamî yê  herême zî dîyayî bombayan ver. Dîya zanayene ke hêzê hukmatê Şamî cewabê hêrişan danê.