Teyarayêka bêmerdiman a dewleta tirke ya îşxalkere merkezê Hêzanê Asayîşê Zereyî yê qezaya Zirganî yê Hesekê da bombayan ver. Hêzanê Asayîşê Zereyî derheqê hêrişî de eşkerayîye daye û nê pare kerdî:

''Hêrişê îşxalî yê dewleta tirke 4ê nîsane de zî vera Zîrgan û dewanê kantonê Cizîre dewam kerd. Netîceyê eştişê topatanê artêşa tirke û çeteyanê ci de xeylêk hemwelatîyî û hîrê endamê ma birîndar bîyî. Birîndarî nêweşxane de yenê tedawîkerdene. Reyna xesaro madî yê hemwelatîyanê ma zî est o.

Rîyê bêvengîya mîyanneteweyî ra îşxalê tirkan hemwelatîyanê ma hedef geno, kişeno û heqanê ci binpay keno.''

Hêrişî SÎHA ra dima dewleta tirke û cerganê ci pê obus û hawanan hêrişê dewa Esedîyê ya Zirganî kerd.