Koordînatorê Pêroyî yê Têgêrayîşê Çepî yê Sûrîye Dr. Ghayath Naîsseyî derheqê hêrişanê îşxalî yê dewleta tirke yê vera Başûrê Kurdîstanî û tesîrê înan de ANFyî rê qisey kerd.

Dr. Ghayath Naîsseyî dîyar kerd ke dewleta tirke wazena rewşa nikayêne ya dinya ra îstîfade bikera û îradeyê kurdan bişikna. Dr. Ghayath Naîsseyî vat: ''Nê hêrişî têna vera kurdan nîyêi vera pêro destkewteyanê erebanê Sûrîye yê zî.  Ganî pêro partîyê Sûrîye û Iraqî vera hêrişanê Tirkîya wurzê we. Tewirê Yewîya Ereban zî zaf qels o. Ganî Yewîya Ereban bi xurtî tewirê xo vera hêrişanê îşxalî bimojna.

Sûrîye de bîyayîşê dewleta tirke îşxal o û dewleta tirke wazena hîna zaf erdê Sûrîye îşxal bikera. Amerîka herême d esey mabênçî têgêrena la vera hêrişanê Tirkîya bêveng manena. ma xo ra ber pê çewî bawer nêkenê. Ganî ma vera îşxalkeran bibê yew. Yewîya ma, îtîfaqê ma, têkoşînê şaranê kurd-ereban ganî ma bîyarê ziwan. Têkoşîn û yewîye çeka ma ya. Armancê ma no yo.  Ez sey erebêkê sosyalîstî paştî dana PKKyî. PKK şarê kurdî û şaranê herême paweno. Vera dişmenanê kurdan heqê pawitişî meşrû vîneno. Ma venga çepgîranê ereb, demokrat û azadîgîran dana ke heman tewirî bimojnê û paştî bidê na partîye.''