Endama Hêzanê Pawitişê Komelkîyî (HPC) Meleke Mahmûd Qamişloyî ra 2017 de şîye Serêkanîyê û 2019 de YPJyî reyde vera dewleta tirke şer kerd.

Meleke Mehmûd wina qala ê çaxî kerde: ''Mi hetkarîye dayêne cebilxane. HPD Serêkanîyê de bi rolê pîlî têgêrayêne. Şarî seba xopawitişî seferberîye îlan kerdbî. Xora xoverdayîşo tewr pîl zî hêzanê pawitişî kerd. HPC cewherê pawitişê komelkî yo. HPC komelî temsîl keno. Karêkê leşkerî nêkeno la eke hewce bibo şer zî keno.

Çimê HPCyî tim akerde yê. Noqtayanê kontrolî de, taxanê her kesî de HPC xebitîyeno. HPC mekanîzmayêka xozayîye afernaye. Vera hêrişan, mekanîzmaya pawitişî mecburîyêt a. Şar zî sey verî nîyo, goreyê hewcedarîyan xo perwerde keno. Ma pê YPG û YPJyî sereberz ê. Ê domanê ma û seba welatê ma fedakarîye kenê.''