Meclîsê Leşkerî yê Til Berakî seba eşîran komxebatêke kerde. Komxebate de bi desan endamê eşîranê ereban, rîsipîyê herême û dîndarê qezayanê Til Berak, Til Hemis û Holî amade bîyî û înan vera hêrişanê îşxalî rolê xo ser o nîqaşî kerdî.

Fermandarê Têkilîyanê Pêroyîyan ê QSDyî yê herêma Xizîre Ehmed El Musayî serebûtê peyênî û tehlukeyê herême û rolê QSDyî ercnayî. Komxebate de şêx û rîsipîyan qisey kerd û QSDyî rê sipas kerd û fikrê xo pare kerdî.

Meclîsê Eşîran ê Herême peynîya komxebate de eşkerayîyêke daye.

Eşkerayîye de wina ame vatene: ''Ma sey rîsipîyanê herêmanê Til Birak, Hol û Til Hemîsê yên herêma Cizîre û sey şaranê ereb, kurd û sûryanî do meverdê ke vera destkewte û erjanê ma mudaxeleyê zere û teberî bêro kerdene. Ma ewro tîya de paştî danê Îdareyê Xoserî û dezgehanê xo yê leşkerî û sivîlan.

Ma xîretê îşxalî yê dewleta tirke şermezar kenê. Ma venga Neteweyanê Yewbîyayeyan, Koalîsyonê Mîyanneteweyî û pêro rêxistinanê mîyanneteweyîyan danê ke wa paştî bidê Îdareyê Xoserî û azadîya şaranê herême bîyarê ca.''