Dewleta tirke ya îşxalkere ewro saetanê serê sibayî de bi wesayîtanê bêmerdim ê çekdaran başûrê Kobanê hedef girwet. Hêriş de Ekrem Îstak (50) o ke Vakûrê Kurdîstanî ra yo şehîd bi.

Ekrem Îstek wexto ke çeteyanê DAÎŞî 2014 de hêrişê Kobanê kerd, çarçewaya vengdayîşê seferberîye de verê xo da Rojawanî. Babîyê di qican Ekrem Îstekî Têgêrayîşê Azadîye yê Kurdîstanî rê xizmet kerd. 1990 de hetê dewleta tirke ra ame tepiştene û 10 serrî zîndan de mend. Lajêkê Îsekî zî zîndanê Tirkîya de yo.

Ekrem Îstek do roja pancşemeyî saete 14:00 de Şehîdgehê Şehîd Dîcle de bi merasîmêkê biheybetî bêro definkerdene.