Hêzanê Xelisnayîşê Efrînî (HRE) da zanayene ke herêmanê Mare û Ezazê de vera artêşa tirke ya îşxalkere û komanê înan ê cergan çalakîyî ameyî kerdene.

Goreyê eşkerayîya HRE 21ê çeleyî de herêma Mare de çalakîyêka sûîkastî ya vera artêşa tirke ya îşxalkere de cergêk ame kiştene.

22ê çeleyî de zî herêma Ezazê de hêzanê HRE vera baregehêkê leşkerî yê artêşa tirkî ya îşxalkere çalakîyêka sabotajî kerde. Netîce de zî derbêk ame dayene tankêkî ro û leşkerêkê tirkî ame kştene û leşkerêk zî birîndar bi.

Eşkerayîye de ame vatene: "Artêşa tirke ya îşxalkere û cerganê aye herêmanê Efrînî û Şehba ser o bi obusan, hawanan û tankan bombayî varnayî. Herême de têgêrayîşê teyarayan dewam kenê."